ktabe
03-20-2008, 01:45 PM
.: ( دكتور العيون ) :.
يا مؤمن الريفي انـا جيتـك زبـون
جيتك على مدح اكثر الناس وعنيـت
جيت وتعالـى الله عمّـا يشركـون
لولاه يا مؤمن لطبـك مـا اهتديـت
راضي بحكم الله علي مهمـا يكـون
عالج عيوني لو بعـد طبـك عميـت
ودي أخاشر فالبصر مـن يبصـرون
واشوف دربي لا سرحت ولا ضويت
والى قنصت أثبت مع اللـي يثبتـون
واشوف طيري كل ما أوميت ودعيت
ياكثر ما يضرب خويـي الطابلـون
من كثر ما اكلّتـه مطبـات وكليـت
وودي اشوف اللي علـي يعرّضـون
وبعض الليالي ودي اسري دون ليت
وأشوف ناس ٍ فالقفا مـا يرحمـون
اما وقفـت لصاحبـي والا مشيـت
من دون نظـاره ولا هـم يحزنـون
يا كثر ما كسّرت كشمات وشريـت
لكنٌ يا دكتـور جعلـك مـا تهـون
ابغيك كلمة راس دامـك مـا بديـت
اسمع ولا ابغي اللي وزانك يسمعون
ربي كتب يكشف لك اسراري وجيت
صورة عديل الروح عندك فالعيـون
واخاف تقطعها بموسك مـا وعيـت
ولا عليك امر إطوها تحت الجفـون
وعقبه لو تقطع عيوني مـا شكيـت
هي راس مالي والعرب ما يدركـون
اني على باب الممات و مـا حكيـت
يا قـو قلبـي يـوم قفـن الضعـون
اللي على ذاك المـوادع مـا بكيـت
ويا صبر صبري والعواذل يحسبـون
إني دلهت من الهـوى والا سليـت
أسكت عساهم من سكاتي يسكتـون .
وانا عن اللي في ضميري ما انتهيت
وادور الفرحه مع اللـي يسهـرون
وان ذكروني خذت فنجال وسريـت
أخذت من وقتك يا دكتـور العيـون
عالج عيوني لو بعـد طبـك عميـت
واستر علي واللي معك لا يفطنـون
أنت الوحيد اللي بعد ربـي دريـت
محمـد بـن حمـد بـن فطيـس المـّري
يا مؤمن الريفي انـا جيتـك زبـون
جيتك على مدح اكثر الناس وعنيـت
جيت وتعالـى الله عمّـا يشركـون
لولاه يا مؤمن لطبـك مـا اهتديـت
راضي بحكم الله علي مهمـا يكـون
عالج عيوني لو بعـد طبـك عميـت
ودي أخاشر فالبصر مـن يبصـرون
واشوف دربي لا سرحت ولا ضويت
والى قنصت أثبت مع اللـي يثبتـون
واشوف طيري كل ما أوميت ودعيت
ياكثر ما يضرب خويـي الطابلـون
من كثر ما اكلّتـه مطبـات وكليـت
وودي اشوف اللي علـي يعرّضـون
وبعض الليالي ودي اسري دون ليت
وأشوف ناس ٍ فالقفا مـا يرحمـون
اما وقفـت لصاحبـي والا مشيـت
من دون نظـاره ولا هـم يحزنـون
يا كثر ما كسّرت كشمات وشريـت
لكنٌ يا دكتـور جعلـك مـا تهـون
ابغيك كلمة راس دامـك مـا بديـت
اسمع ولا ابغي اللي وزانك يسمعون
ربي كتب يكشف لك اسراري وجيت
صورة عديل الروح عندك فالعيـون
واخاف تقطعها بموسك مـا وعيـت
ولا عليك امر إطوها تحت الجفـون
وعقبه لو تقطع عيوني مـا شكيـت
هي راس مالي والعرب ما يدركـون
اني على باب الممات و مـا حكيـت
يا قـو قلبـي يـوم قفـن الضعـون
اللي على ذاك المـوادع مـا بكيـت
ويا صبر صبري والعواذل يحسبـون
إني دلهت من الهـوى والا سليـت
أسكت عساهم من سكاتي يسكتـون .
وانا عن اللي في ضميري ما انتهيت
وادور الفرحه مع اللـي يسهـرون
وان ذكروني خذت فنجال وسريـت
أخذت من وقتك يا دكتـور العيـون
عالج عيوني لو بعـد طبـك عميـت
واستر علي واللي معك لا يفطنـون
أنت الوحيد اللي بعد ربـي دريـت
محمـد بـن حمـد بـن فطيـس المـّري